Shillong, Risaw 19 : Ki shipai BSF ka Meghalaya Frontier, kila ioh kem ia arngut ki nong India bad kurup ia bun bah u soh apple ba thmu ban khaii tuh sha Bangladesh.
Ki shipai BSF kila ioh bat ia kine ki briew na ki artylli ki kali kiba kit ia u soh apple ha khappud ka East Khasi Hills District.
Kine ki kali ki kynthup ia kawei ka Alto Car bad ka Maruti Van bad na kine ki kali, la ioh ban kurup ia 40 synduk ki soh apple. Ia kine ki kali la iohbat ha khappud ka surok Dawki-Lyngkhat ha ka thain Pyrdiwah.
Ia kine ki briew bad ka kali lem bad u soh la aiti noh sha ki Custom ha Pynursla.
