Shillong, K’Lyngkot 06: Ki shipai Border Security Force (BSF) Meghalaya Frontier, kila ioh ban kurup ia ki mar khaii tuh ba shongdor haduh T. 281 klur tang ha u snem 2022.
Kane ka long kat kum ka kaiphod bala pyllait da ki shipai BSF na ka jingioh kurup ia ki mar ba thmu ban khaii tuh sha Bangladesh.
Katkum ka kaiphod ba la ioh naki shipai BSF la kdew ba ha u snem 2022, ki shipai iada khappud kila ioh kurup haduh 3438 tylli ki jingri ba shongdor haduh -T.5, 55,90,800, ka kyiad ba shongdor -T. 12,66,717, Yaba Tablets -T. 51,90,280, Phensedyl -T.15,17,401, Ganja -T. 2,67,000, pisa thok lane FICN – T.87,0000, Ksiar -T. 17,57748, kawei ka Pistol bad 838 tylli ki Kuli bad kiwei kiwei de ki mar ba shongdor haduh T.21.41,01,067 klur.
Nalor ki mar ba ioh kurup, ki shipaI BSF ha u snem 2022 kila ioh ruh ban kem iaki 41 ngut ki nong Bangladeshi kiba thmu ban rung tuh sha u pud u sam ka Meghalaya, 61 ngut ki nong India, 30 ngut ki Rohingyas kiba rung tuh shapoh ki thain khappud ka Meghalaya bad Bangladesh.
