Shillong Naiiwieng 12: Ki shipai BSF jong ka 100 Bn BSF, West Garo Hills, ryngkat ki pulit Meghalaya ha ka 11 tarik u Naiwieng, kila ioh ban kurup ia ka shini 13,500 Kg ia kaba la thmu ban khaïï be-aiñ sha ri Bangladesh.
Ki BSF kila pyntip, haba kila ioh ia ki jingtip kiba thikna, ryngkat bad ki pulit Meghalaya kila pynlong ia ka jingkhynra ha kaba kila ioh kurup 270 byrni ka shini kaba don 13,500 Kg kaba shongdor T. 5,40,000.
Ia kitei ki byrni kiba la thep iaka shini la lap najan kawei ka iingjah kaba pyni ba ka don ka jingthmu ban khaïï be-aiñ ia kane ka shini sha ri Bangladesh.
Ki BSF kila aiti noh ia katei ka shini sha ki bor pulit ba kin leh ia kaba donkam katkum ki kyndon aiñ.
Ki BSF kila pynpaw ba kin iai bteng iaka jingiatreilang bad ki pulit ka Meghalaya na ka bynta ban tehlakam ia ki kam khaïï be-aiñ ha ka thaiñ khappud bad kin long ruh kiba peitngor bha ban tehlakam ia ki kam sniew.
