Nongpoh, Naiwieng 12 : Arngut ki rangbah kila duh noh iala ka jingim tang shiteng por na ka jingshah bat ha ka bording elektrik ha ka shnong Kpepsyiem, Ri-Bhoi District.
Kat kum ka khubor, kine ki arngut ki rangbah ki dei na ka shnong Umden La-ang, Ri-Bhoi.
Kane ka jingjia kala jia hynnin ka por shiteng miet hynrei ia kane ka jingjia la lap hynne ka step sngi U Blei pur 8:30 baje eiei.
Kine ki rangbah kiba khlad ki dei kiba la tip kyrteng u Bah Lal Lapang ba 65 snem lem bad u Pian Namsaw ba 44 snem ka rta.
Ia ka daw jong ka jingshah bat ilektrik ia kitei ki arngut ia mynta ym pat shym la lah ban tip bad kumjuh ruh ia ka daw ba ki leit sha katei ka jaka ba don ki sainar ilektrik ba khlaiñ bor kiba pynpoi ia ka bording sha ka thaiñ Patharkhmah.
Ki Pulit haba ioh jingtip ia katei ka jingjia, ki la leit mar mar sha katei ka jaka ba don ka metiap jong kitei ki arngut bad hadien ki la rah noh sha Byrnihat CHC bad ia ka postmortem la pyllait noh da ka jingkyrpad jong kiba haiing.
