Aizawl, Jylliew 12: Ka Tnad Excise and Narcotics ka Mizoram, kala ioh ban kurup ia u heroin ba shongdor haduh T. 31 klur ba wan khaii tuh na Myanmar bad ioh ruh ban kem haduh 5 ngut ki nongkhaii.
Kane ka jingioh kurup kala wan jia ha ka jingkhynra ia ki artylli ki jaka ha Aizawl ha kaba la ioh ban kurop haduh 6.05 kilo u heroin ha ki arsngi lynter.
Ha ka sngi U Blei, ki Ophis ka tnad kila ioh ban kurup haduh 5.8 kilo u heroin na kawei ka trok ha ka shnong Zemabawk, Aizawl.
Ha ka step sngi Saitjain, ka Tnad kala ioh ban kurup haduh 248 gram u heroin n aka shnong Bawngkawn, Aizawl bad kila ioh ban kem ia uwei u nongkhaii uba kyrteng u N Ngolang uba dei u nongshongshnong a Tahan, Myanmar.
Ha kajuh ka por, ki bor ka Ain kila ioh pat ban kem sa 4 ngut kiwei pat ha ryngkat bad u droks na Cachar District, Assam.
Kine ki 4 ngut ki kyrteng u Abdul Kalam Laskar (23), Md Nazimul Hussain Barbhuiya (34), Sukur Ali Mazumder (22) bad u Kutbul Alom Laskar (28).
