Guwahati, Iaiong 28 : Ki Pulit Assam Police Task Force (SFT) hynne ka sngi U Blei, kila ioh kem ia arngut ki snar nongkhaii droks bad ioh kurup ia u droks heroin ba shongdor haduh T. 12 klur ha ki iew ka pyrthei.
Kine ki arngut ki kyrteng u Jamal Ali bad I Salim Uddin bad la iohkem ia ki na kawei ka Maruti Suzuki WagonR AS01—FN-7633. U droks uba ioh kurup u khia haduh 1.5 kilo.
Ia kane ka jingkhynra la khlieh da u Officer ka STF Kalyan Pathak bad la iohkem ia ki najan ka Khanapara Veterinary Field kaba don ha Guwahati.
“Ngi la ioh ia ki jingtip kiba paka halor ka jingwan kit ia une u droks lyngba kane ka lynti” ong u Pathak haba pyntip “Ngi la pynlong ia ka jingpynap shrip bad ngi la ioh bat ia kane ka kam bad pynthikna ia ka jingdon u droks bala buhrieh bha ha kawei ka jaka ba kyndong jong ka kali”.
Kine ki arngut ki nongkhaii droks ki dei kiba na ka shnong Garoimari kaba don ha Kamrup District.
Ka jingtohkit mynta kala iaid shakhmat.
