Shillong, Rymphang 23 : U Myntri Rangbah ka Jylla Conrad K Sangma ula ong ba ka Sorkar kan sa shim ia ki sienjam ban ai jingiada ia ki Kyrbei (pangolin) hadien ba u nongialam ka Liang Pyrshah ula madan ia ka jingnang duhjait jong ki, kaba la pynkha roi pat ia ki dkhiew ha kylleng ki jaka ka Ri-lum Garo.
Ha ka kynta kylli jingkylli,u Mukul Sangma ula iathuh ba ka jingkha roi jong ki dkhiew kala nang jur “namar ka jingpyniap ia ki Kyrbei”.
Ula pyntip ba ka wildlife division kala treikam tang na Baghmara ha South Garo Hills, kaba buh ia ki thain ba shatei khlem ka jingkhmih ne jingkyrshan lem.
“Na North Garo Hills ym don ba kyrshan satia….ki briew (ba dei khmih) ki treikam na Williamnagar” ula ong haba kyrpad ban buh ia ka wildlife division ba thymmai ha South West Garo Hills, ka ban khmih ruh ia ka jingwan shong ki hati.
“Ka jingbym don ki Kyrbei kala wanrah ia ka jingma….ka farm jong nga kala kha roi tang da ki dkhiew” ong u Mukul haba kyntu ban pynlong ia ka jingialang pynsngewthuh paidbah bad ka jingpyrshang ban pynkynriah jaka sah ia kine ki mrad.
“Nga la iakren ia u DFO hynrei kim don briew satia” ula ong.
Haba jubab, u Myntri Rangbah ula pynpaw ba ia kane ka jingai jingmut yn sa shimkhia bha. “Ki kam kiba bun kila iaid mynta ban nang pyniar ia ka jingshakri ki bor Sorkar. Shisien ba la ai jingbit ia ka mang tyngka, kine ki Ophis, Beast bad Range kin sa mih”.
Ula bynrap hadien “Kane ka dei ka jingai jingmut kaba kongsan bha…Ngan sa khmih hi dalade ia kane ka kam bad pynthikna ba ngin shim ia ki sienjam ha kaban iada ia ki Kyrbei”.
 hadien ba u nongialam ka Liang Pyrshah ula madan ia ka jingnang duhjait jong ki, kaba la pynkha roi pat ia ki dkhiew ha kylleng ki jaka ka Ri-lum Garo.){kind=link}