spot_img

Kular u Myntri hakhmat ki Rangbah Shnong ban shimkhia ia jingthut ka bording ha Ri-Bhoi

Date:

Share post:

Shillong, Nailar 13 : U Myntri ka tnad Bording Abu Taher Mondal, ula kular ia ka kynhun ki nongialam ka Synjuk ki Rangbah Shnong Ri-Bhoi District (SRSRB) ba un shimkhia ban leh eiei noh halor ka jingthut palat ka jingsam bording elektrik, kaba dei ka jingeh kaba khraw bha hapoh ka District.

“Ki (SRSRB) kila pynsngew ia ki katto katne ki mat kiba kongsan bad kito kiba donkam ban hap leh eiei noh mardor. Ngi sa pyrshang ban khmih ba dei ban leh eiei noh mardor” ong u Mondal haba iakren bad ki nongthoh khubor hadien ka jingialang bad ka Synjuk ha ka sngi Balang.

U Mondal ula kubur ia ka jingthut ka bording elektrik ha ka thain bad ong “Ngi la batai ia ki daw bapher bapher kiba lam sha kane ka jingeh”.

Ka Synjuk ha ka dorkhas bala aiti sha u Myntri, kala pynpaw ia ka jingsngewkhia kaba jur halor ka jinglip bording ba khah khah ha Ri-Bhoi District, kaba la ktah jur ia ka jingim ba manka sngi ki nongshongshnong, ka khaii ka pateng, ki hospital bad ki jingshakri kiba kongsan. Ka pynpaw ba ki samla pule ba pynkhreh ia ka eksam selection ka SSLC kila shah ktah bha.

Ka SRSRB kala pan ia ka jingpynshai halor ki daw ha lyndet ka jinglip bording kha khah bad ki sienjam bala shim ban tem ia ka, ka jingtip halor kano kano ka jingthmu ban maramot lane kyntiew kyrdan ia ka lain bording kaba lah ban ktah ia ka jinglip bording, ka jingkular ba dei ban pynioh mar mar ia ka bording haba mih jingthut, ki jingthmu ban kyntiew kyrdan ia ki transformer, ka jingbujli ia ki nar post elektrik, ka jingker bha ia ki jaka ba don transformer bad ka jingthmu ban thung briew noh ha ki kam linemen bad kiwei kiwei kiba lait.

Share post:

spot_img
spot_img

Popular

More like this
Related

Pynkup burom ka Nongstoin College ia 293 ngut ki samla pule

Shillong Nailur 05: Ka Nongstoiñ College ha ka sngi...

Iasoi MoU ka sorkar Meghalaya bad ka Asean One Japan ban plie lad ka ioh kam ia ki khun samla ka jylla

Shillong, Nailur 05: Ka sorkar Meghalaya, lyngba ka Meghalaya...

Shah pynkup burom ki nonghikai ha ka jingrakhe ka jylla ia ka Teachers Day

Shillong Nailur 05: Ka Sorkar Jylla hynne ka sngi...