Shillong, Risaw 09 : U MP ka Rajya Sabha James Pangsang Kongkal Sangma ha ka sngi Thohdieng ula kular ia ki cook bad helper ka Anganwadi ba un sa rah iakren ia ka jingdawa jong ki ban pynkiew ia ka bainong bad ka Sorkar Pdeng.
Ka kynhun ki cook bad helper kila leit iakynduh ia u MP ha Shillong ban pynsngew ia ki jingeh jong u halor ka jingrit palat ka bainong. “Kila wan pynsngew ia ki jingeh jong ki haba iadei bad ka jingsiew bad katno ki ioh bad ba dei ban pynkiew noh ia ka”.
U James u pyntip ba ula kular ia ka kynhun ba ia ka jingeh jong ki, yn sa leit pyniakren ha ka kyrdan kaba halor eh.
“Kum u MP na Meghalaya, Ngan sa iakren ia ka jingeh jong ki bad ka Sorkar India khnang ban lah pynbeit bad ka Sorkar ruh kan tip ia ka jingeh bad ki jingtynjuh ba ki iakynduh” ula ong.
“Ngan pynsngewthuh bad kyrpad ia ka Sorkar India ban sngap ia ka jingdawa jong ki khnang ban lah weng noh ia ka jingeh jong ki” ula ong.
