Shillong, K’lyngkot 28 : U Symbud Myntri Rangbah ba khmih ia ki kam Pohiing (Home) Bah Prestone Tynsong ha ka sngi Balang, ula kular ba ka Sorkar kala shimkhia bad kan leh ia kaba donkam haba iadei bad ka poster ISIS-K ba byrngem ia ki paid Garo ban mih na ki jaka jong ki.
“Ai ba ka Sorkar kan shim ia ki sienjam ba donkam hynrei ngi kwah ban pynthikna ba kum kine ki kam kim dei satia ban jia” ong u Bah Prestone haba iakren bad ki nongthoh khubor.
U Bah Prestone ula pynpaw ba kane ka kam ka dei kaba “khia bha’ bad pynbna ba ka jingtohkit kala sdang mar mar. “Kane ka dei ka kam kaba khia bha. Ta ka daw nga la ong ha phi ba ka jingtohkit kan sdang mardor” ula pynpaw.
Halor ka jingdawa ban tohkit ki kynhun ka Sorkar Pdeng, u Bah Prestone ula ong “Nyngkong ngin iapeit shuwa. Shu khein mynta lad aka jingtohkit ka Jylla ka sngew ba ka long kaba donkam ban wan ka kynhun na Delhi, ngi long kiba kloi ia kata”.
Haba kylli halor ka jingdonkti ki riewkhwan myntoi ha lyndet kane ka jingjia, u Bah Prestone ula ong “Ngam lah ban ong eiei ia mynta namar ka dang kloi palat ban ong eiei. To ngin ia ap bad peit shuwa. Ngi la sdang ia ka jingtohkit halor kane ka kam”.
 Bah Prestone Tynsong ha ka sngi Balang, ula kular ba ka Sorkar kala shimkhia bad kan leh ia kaba donkam haba iadei bad ka poster ISIS-K ba byrngem ia ki paid Garo ban mih na ki jaka jong ki.){kind=link}