Nongpoh, Kyllalyngkot 28: Ka kynhun ialehkai Muay Thai jong ka Muay Thai Association of Meghalaya(MTAM) ka la wanrah ia ka nam ia ka jylla ha ka lympung ialehkai National Muay Thai, da ka jinglah ban jop ha ka kyrdan kaba Ar bad ioh khur haduh 75 tylli ki takma.
Ka kynhun ialehkai Muay Thai ka jylla ka lah iashimbynta ha ka 7th Ummai National Senior Muay Thai Championship 2026 ba la pynlong da ka Telangana Amateur Muay Thai Association ha Hydrabad, Telangana.
Ha kane ka lympung ialehkai, la sakhi ia ka jingwan iashimbynta haduh 29 tylli ki kynhun na kylleng ki jylla ka ri India ha kaba ka Meghalaya ka ioh ban rah ia ka nam ha ka kyrdan kaba Ar.
Ka kynhun ka Meghalaya bala ialam da u Bah Angelus Sun kala ioh ban khur haduh 27 tylli ki takma Ksiar, 17 tylli ki takma rupa bad 11 tylli ki takma rnong, nalor ki takma ka kynhun. Nalor kane, kala sei ruh ia kawei ka thei iakura kaba kynsai ka Kong Elizabeth Marten, kaba la ioh ban khur ia ka nam Best Fighter na katei ka lympung.
Na ka liang u Bah Angelus Sun, u la pynpaw ia ka jingkmen kaba khraw ba wat hapdeng shibun ki jingeh hynrei ki rang bad ki thei ialehkai kim shem la kynran dien hynrei ki la treishitom ban iakhun dohiap ban ioh khur ia ki takma bad ban wanrah ia ka nam ka burom ia ka jylla.
 ka la wanrah ia ka nam ia ka jylla ha ka lympung ialehkai National Muay Thai, da ka jinglah ban jop ha ka kyrdan kaba Ar bad ioh khur haduh 75 tylli ki takma.){kind=link}