Shillong, Iaiong 15: U MP ka Congress Bah Vincent H Pala ha ka sngi Nyngkong, ula kular ban pynduh noh ia ka Common University Entrance Test (CUET), kaba ha u kala ktah ia ki hajar ngut ki samla pule ban ioh rung klas ha ki University.
Haba kren ha ka rynsan ialap elekshon ha Jowai, West Jaintia Hills, u Bah Pala ula ong “Ngi kwah ban pynduh noh ia ka CUET namar ka jingpynrung klas ha ki University bapher bapher ka dei ban shong ha ka rai ki University ym ha ka Sorkar”.
Une u Khliehduh ka Congress ha Meghalaya ula ong ba dei namar ka CUET, bun bah ki samla pule kila shah pynduh ban rung klas ha ki University.
“Kumta, ngi sngew ba ka rai ba laitluid halor ka jingpynrung klas ka dei ban don ha ki Univeristy , ym ha ka Sorkar” ula ong.
Halor ka iohkam iohjam, u Bah Pala ula ong ba ka Congress, lada ka shah jied ha ka bor, kan sa wanrah ia ka policy ban pynthikna ba tulop jong ki samla bala nang la stad kam dei ban duna ia ka T. 1 lak shisnem.
Ula kular ruh ba ka Congress ban kyntiew ia ki nongialehkai, khamtam kito kiba wan na ki longiing kiba duk, ban ai song jingiarap pisa ba T.10,000 shisnem.
, kaba ha u kala ktah ia ki hajar ngut ki samla pule ban ioh rung klas ha ki University.){kind=link}