Guwahati, K’lyngkot 20 : U Myntri kam Pohiing ka ri Amit Shah ula ai ka jingkular ha ka sngi Saitjain ba ka Ri India kan sa jop ia ka jingma jong ka naxal ha kine ki lai snem ban wan.
Haba kren ha ka Raising Day ba 60 jong ka Sashastra Seema Bal ha Salonibari, Tezpur, u Amit Shah ula ai ka jingiaroh ia ka bynta ba kyrpang ba ka SSB kala leh ha kaban tem ia ka jingsngew iapher ktien, dustur, histori bad jaidbynriew jong ki paid ha khappud. Ula ban jur ba haduh katno ka long kaba kongsan ban pyniadei ia ki nongshongshnong jong kine ki jaka bad ka Ri baroh kawei.
U Amit Shah ula ong “Ha kine ki laisnem ban wan, hapoh ka jingialam u Myntri Rangbah Duh Narendra Modi, ka Ri kan sa lait noh 100% na ki jingeh ba mih na ki naxal”.
Nalor kane, u Amit Shah ulapynkhreh ruh ban leit iashimbynta sha ka 13th Triennial Conference jong ka All Bathou Mahasabha ha Dhekiajuli, ban pyllait ia ka kot “Assam’s Braveheart – Lachit Barphukan,” nalor ban plie ia ka jaka jngohkai ha Brahmaputra, Guwahati.
