Tura, K’lyngkot 20 : Ka jingialehkai Volleyball jong ka 5th Meghalaya Games kala poi noh sha kaba kut hynne ka sngi Saitjain bad ka South West Khasi Hills kala ioh ia ka takma ksiar ha ka jingiakhun ki Kynthei katba ka West Garo Hills kala ioh ia ka takma ksiar ha ka jingiakhun ki shynrang.
Ha ka jingiakhun ki kynthei, ka SWKH kala ioh ia ka takma ksiar da ka jingpynliem ia ka South West Garo Hills District ha ka 3-0 set (25-22, 25-11, 25-20).
Ka SWGH kala ioh ta ka takma rupa katba ka East Khasi Hills kala ioh ia ka takma rnong.
Ha ka jingiakhun ki shynrang, ka West Garo Hills kala pynliem da 3-0 set pyrshah ia ka South West Khasi Hills (25-23, 25-13, 25-15).
Ka South West Khasi Hills kala ioh ia ka takma rupa katba ka South West Garo Hills kala ioh ia ka takma rnong.
