Guwahati, K’lyngkot 20 : Ka Lakhimpur District Congress Committee ha ka sngi Saitjain kala ujor ejahar pyrshah ia ka BJP halor ka jingkynnoh ba ka tar bad pynjot ia ki poster jong ka ‘Bharat Jodo Nyay Yatra’ ha Lakhimpur.
Ia kane ka ejahar la mudui da u President ka Lakhimpur District Congress Committee Gagan Chandra Bora.
Ka Congress kala kynnoh ba ka BP Yuva Morcha (BJYM) ka dei kaba suhbuit ban tar ia ki poster khnang ban pynthut ia ka Yatra.
“Kane ka jingjia kala jia ha Lakhimpur District, ha kaba ki kali jong ka Indian Youth Congress (IYC) kala shah pynjulor ha ki nongtrei ka BJYM ha ka miet sngi Thohdieng, shuwa ban wanrung ka ‘Bharat Jodo Nyay Yatra’ hapoh ka District’ ong une u Nongialam ka Congress.
Ula kynnoh ruh ba ki nongtrei ka BJYM kila tar ruh ia ka dur jong u Heh ka Congress Mallikarjun Kharge bad pynjot ia ki banner kiba don ka dur jong u Rahul Gandhi.
