Shillong, Jylliew 04 : U Myntri kam Pohiing ka Ri Amit Shah ula kular ia ka Khasi Students’ Union (KSU) ba ka Sorkar Pdeng ka lah ban tujlar ia ka jingiakajia pud hapdeng ka Assam-Meghalaya lada ki jingiakren hapdeng ki Jylla ki sahkut bad ym poi shaei shari.
Ula pyntip ruh ba shen ka Sorkar Pdeng kan sat hung ia ka Committee jong ki Judge bala shongthait ka Supreme Court ban shim rai ha kaban kynthup ia ka ktien Khasi ha ka khyrnit kaba khra.
Ia kane ka la pyntip da ki nongialam ka KSU ha ka sngi Palei hadien ka jingiakynduh ia u Amit Shah ha Shillong, uba la wan ban pyniaid ia ka jingialang jong ka 73rd NEC Plenary kaba long naduh ka 3 tarik Jylliew haduh ka 5 tarik Jylliew.
U General Secretary ka KSU samlaReuben Najiar u iathuh ba ka Seng kala rah iakren ia lai tylli ki mar.
Halor ka jingdawa pyntreikam ia ka Inner Line Permit (ILP), ka seng ka pyntip sha u Amit Shah b aka dang iai long ka jingdawa ba sahteng.
“Da ka jingkyndang ia ki mynder ri ha West Bengal bad Assam, kine ki briew kim shym la leit phai sha Bangladesh hynrei kila sah kat haba ioh jaka. Ka Meghalaya kam don ia ka ain ban iada ialade. Ka por kala dei ban pyntreikam ia ka ILP ban iada ia ka Jaidbynriew ba rit paidbah jong ki Khasi, Jaintia bad ki Garo” ong u samla Najiar.
Halor ka iakajia pud, ula iathuh ba ka Assam kala pyni ia ka bor ha ki jaka ba don jingiakajia.
“Ha Lapang bad kiwei kiwei ki jaka, ka Assam kala leh kum ka nongleh donbor, bad pynkhein ia ka status quo” ong u samla Najiar haba pyntip ba u Amit Shah ula kular ba “Lad aka Sorkar Pdeng ka shem ba ki jingiapynbeit kami aid lyngba ki lynti kiba dei, ka Sorkar India kan sa tuklar”.
Halor ka Khyrnit ba phra, u samla Najiar ula ong ba u Amit Shah ula pynthikna ba kane ka kam kala nang iaid.
“U Amit Shah ula pyntip ba yn sa thung ia ka Committee jong ki Judge bala shongthait ka Supreme Court ha kine ki bnai ban wan. Ki don kumba 100 tylli ki ktien kiba la dawa ban pynrung bad kane ka Committee kan sa shim ia ka rai” ula ong.
Haba kylli la ka jingialang ka long kaba seisoh, u samla Najiar ula ong “Ka kamram jong ngi ka long ban pynsngew ia ki jingeh jong ka Jylla. Ka shong ha ka Jylla bad ka Sorkar Pdeng ban bishar bad pyntreikam”.
Ula bynrap, “Ka ILP kala sakhi da ki snem ia ki jingiakhih. Ka dei mynta ia ka Sorkar Pdeng ban pynshai balei ba dei ban ai ne ym dei ban ai ia ka ILP”.
Ka KSU ka don ia ka jingkyrmen. “Ka Manipur ka ioh ia ka ILP ha u 2019. Ngi kyrmen ba ka Meghalaya ruh kan ioh ha kine ki bnai lane snem ban wan” ong u samla Najiar.
 ba ka Sorkar Pdeng ka lah ban tujlar ia ka jingiakajia pud hapdeng ka Assam-Meghalaya lada ki jingiakren hapdeng ki Jylla ki sahkut bad ym poi shaei shari.){kind=link}