Shillong, Rymphang 20 : U Symbud Myntri Rangbah ba khmih ia ka Tnad Transport Bah Sniawbhalang Dhar ha ka sngi Ba-ar, ula kular ban ka Sorkar kan sa leh ia kaba donkam pyrshah ia ka jingiaid ki trok ba kit palat pud lyngba ka jingkieng Umrynjah.
“Nga kylar ba ngin sa leh eiei noh shen halor ka ujor “ ong u Bah Sniawbha haba jubab ia ka call attention motion bala wanrah da u MLA ka VPP na Mawlai Bah Brightstarwell Marbaniang ha Iingdorbar Thaw Ain.
U Bah Sniawbha u pyntip ba ka Deputy Commissioner kala thoh sha u Chief Engineer ka PWD Roads ba bthah ia u ban khein ba haduh katno ka jingkhia jong ki kali kit mar kiba lah ban iaid lyngba ka jingkieng Umrynjah.
Kane kala mih hadien ba ka Synjuk ki San Dorbar Shnong ka Mawlai, kila leit ujor sha ka Deputy Commissioner myn ha ka 12 tarik Rymphang, ba pyntip ia ka jingwan iaid ki trok ba kit palat pud na jingkieng Umrynjah ha ka por mynmiet. Ka Synjuk ka pynpaw ba ka jingiaid jong kine ki trok ka lah ban pynsniew ia ka jingkieng kaba dei tang ma ka, ka lad pyniasoh sha ki shnong ki thaw.
Hynrei ula ongn ba haduh mynta ka Deputy Commissioner ka dang ap ia ka kaiphod na u Chief Engineer ka PWD (Roads).
