Shillong, Nailar 13 : Ka Bharatiya Janata Party (BJP)-Meghalaya, kala kular ban sa iakren bad ka Sorkar Jylla lem bad ka Sorkar Pdeng haba iadei bad ki jingeh kiba iadei bad ki jaidbynriew ba dang sahdien (Other backward class) jong ka Jylla.
Ia kane ka rai la shim ha ka jingialang ba nyngkong eh jong ka BJP OBC Morcha bala pynlong ha ka jingiadon ryngkat u President ka BJP Meghalaya Rikman G Momin, u Vice President Bipen Pradhan bad u General Secretary Wankitbok Pohshna.
Haba kren ha ka jingialang kum uwei na ki nongai jingkren, u bah Wankitbok Pohshna ula ong ba ka BJP-Meghalaya ka kloi ban kren ia ki mat kiba donkam bad ki jingeh jong ki OBC la ka dei bad ka Sorkar Jylla ne ka Sorkar Pdeng.
U Bah Wankitbok ula pynkynmaw ia baroh ba ka Sorkar kam pat buh thup satia ia ki OBC caste ha Meghalaya, kaba la pyndkoh ia ki jaidbynriew OBC kiba sah ha Jylla namar ka jingbym lah ban ioh ia ka bhah ba 27% ha ka jingthungkam ha ki Tnad Sorkar bad ki jaka pule kiba don ha Jylla.
U pyntip ba ka kynhun ki nongialam ka BJP kin sa iakynduh shen ia u Myntri Rangbah ka Jylla bad iakren ia ki jingud jingnam jong ki Jaidbynriew ba dang sahdien bad ki jingeh ba ki iakynduh manla ka sngi.
U Bah Wankitbok u pyntip sha ki briew kiba wan iashimbynta ha ka jingialang, ba ula dep iakynduh markhmat ia ki nong ialam OBC bad kila pynpaw shai ba kine ki Jaidbynriew ba dang sahdien kim kwah satia ia kano kano ka bhah thungkam ka Jylla hynrei ki kwah tang ban ioh aplai ia ki kam ha ki tnad ka sorkarPdeng, ia kaba kim shym la ioh satia namar ka jing bym pat buh ka Meghalaya ia ki ha ka thup OBC ban ai jingithuh da ka Sorkar Pdeng.
Ka Kynhun ka BJP kala pynkhreh ruh ban iakynduh ia ki kynhun bapher bapher ban pynthikna ba ia kane ka kam yn pynbeit da ka jingiasngewthuh jingmut.
-Meghalaya, kala kular ban sa iakren bad ka Sorkar Jylla lem bad ka Sorkar Pdeng haba iadei bad ki jingeh kiba iadei bad ki jaidbynriew ba dang sahdien (Other backward class) jong ka Jylla.){kind=link}