Shillong, Lber 29: U nongialam jong ka Congress Legislature Party (CLP) u Bah Ronnie V Lyngdoh uba long ruh u MLA ka Mylliem konstitwensi hynne ka sngi balang, ula kam ba ka Sohiong konstitwensi ka ju dei jong ka seng Congress bad mynta ka kynti ruh ka party kan sa ioh biang iaka jingjop ha kane ka ilekshon ban wan.
Haba kren sha ki lad pathai khubor u bah Ronnie ula ong, ba ia kaba mynta ka sah sa tang ha ka jingstad jong paidbah ka Sohiong la kin dang jied ne em ia ka Congress bad kin kyntait ne em ia kiwei ki Party kiba don lang hapoh ka sorkar Meghalaya Democratic Alliance (MDA 2.0).
U bah Ronnie ula ong, ba wat ki seng rilum kum ka UDP, HSPDP bad ka BJP hashuwa ka ilekshon kila kynthoh bun jait iaka NPP hynrei hadien ka Resol ki kloi ban iatreilang bad ka NPP bad kane ka paw shai ba kiwei ki seng rilum kim skhem ka jingmut kumba skhem ka Congress.
“Ka Congress ka kyrmen ban jop beit ha Sohiong namar kadei ka konstitwensi kaba kyrshan bha iaka Party bad ha kajuh ka por ruh, ki paidbah kila kyntait ia kino kino ki Party kiba iasoh bad ka sorkar ba ialam da ka NPP ha ka jingdonlang ka BJP” la pynkut u bah Ronnie.
Pule lang ia kane: Leit jurip ka HPC iaka jingtei iaka Assembly ha Mawdiangdiang
