Shillong, Nailar 23 : U Myntri Rangbah ka Jylla Conrad K Sangma ula pynpaw ia ka jingkmen halor ka rai jong ka seng ki kali tourist ka Jylla ban sangeh shuwa shipor ia ki jingkhang ban wan rung ki kali tourist ka Assam sha Meghalaya hadien ka jingiakren bad u Symbud Myntri Rangbah Bah Sniawbhalang Dhar.
U Conrad ula ong ba kane ka rai kala mih hadien ka jingiakren kaba tei bad ka jingiatreilang hapdeng ka Sorkar, ka seng ki kali tourist, ki Ophisar bad ki kynhun ba don bynta.
U Myntri Rangbah ula ong ba ka Sorkar kan iai bteng ban iatreilang bad ki kynhun ba don ka jingsngewkhia khnang ban pynthikna ia ka iaid ka ieng ba khlem thut jong ki kali, ka jingshngain ki nongleit nongwan bad ka jingpynbeit ia ki jingeh kiba mih na ka huri hura ba dang shen
Kane ka jingkynthoh kala mih hadien ba ki seng jong ki kali toutist kila mynjur ban sdang biang ia ka jingiaid ki kali kamai hapdeng ka Meghalaya bad Assam tad haduh ka 10 tarik Nailur, ynda ka jingialang hapdeng ki bor pyniaid ka tnad Transport bad ki seng kali tourist na baroh ar Jylla kin iashong lang bad khmih lynti ba kin iapynbeit ia ki jingeh jong ki.
U Conrad ula kyntu ia baroh ba pynneh ia ka jingsuk bad long kiba jai jai katba ki jingpyrshang ki dang bteng ban pynbeit ia ka jingiakajia hapdeng ki kali kamai ka Assam-Meghalaya.
