Shillong, Nailur 01 : U Myntri Sorkar bad MLA ka HSPDP Bah Shakliar Warjri ha ka sngi Nyngkong, ula kren shai ba ka shuki Myntri ha ka Sorkar ka shong eh ha ka rai jong ka party, haba pynpaw ba u long uba kloi ban iehnoh ia ka kam lada bthah ka party.
Haba iakren bad ki nongthoh khubor, u Bah Shakliar ula ban jur ba ka jingiakren ka dang iaid mynta hapoh ka HSPDP. “Kane ka dei ka kam poh iing jong ka party. Ngi kum ka party ngi dang iashong bad iakren bad nga dei u MLA ka party bad lad aka party ka rai ba nga hap hiar shuki, ngan kmen ei ban aiti hynrei baroh ka shong eh ha ka rai ka party” ula ong.
Haba kylli hato kala don ka jingiamynjur lang, u Myntri ula kiar ban ai ka jubab kaba shai bad pynpaw ba u long uba kloi ban iaid kat kum ka rai jong ka party.
