Shillong, Naiwieng 27 : U President ka Meghalaya BJP Rikman G Momin ha ka sngi Nyngkong, ula ong ba ka Party ka long kaba kloi ban pdiang ia ka jingwan iasoh u Myntri Rangbah barim ka Jylla Dr Mukul Sangma, sha ka party ha kano kano ka por.
U Rikman ula pynpaw ba um pat ioh jingtip satia halor ka jingiakynduh u Dr Mukul Sangma bad ki nongialam jong ka party. Ula bynrap ruh ba um don jingeh satia ba un leit iakren ia une u Myntri Rangbah barim ka Jylla.
“Mano mano ruh ki lah ban iasoh sha ka BJP, ka jingkhang ka plie beit. Kan long kaba sngewtynnad shibun lada u (Mukul) wan ban iasoh noh sha ka party” ula ong.
