Shillong, Naiwieng 27: Hadien 2 bnai ba shimti ia ka kam President ka BJP Meghalaya, u Rikman Momin hynne ka sngi Nyngkong, ula pynbna ba ka BJP Meghalaya kala thaw ia ka Executive Committee ba thymmai,ba la mynjur da ki Nongialam na Delhi.
U Rikman u pyntip ba kin don haduh hynriew ngut ki Vice President hapoh ka State BJP bad kine ki dei u Bernard Marak (Tura City), Khrawboklang Basaiawmoit (East Khasi Hills), Dipul R Marak (South West Garo Hills), Gagan Jain (Shillong City), bad Riya Sangma (Ri-Bhoi District).
Ki General Secretary ka party ki dei Dr. Evarist Myrsing (Ri-Bhoi) bad Er. Lakhon Biam (West Jaintia Hills).
Kin don haduh hynriew ngut ki Secretary hapoh ka party bad kine ki dei u Hakabiang Lyngdoh (West Jaintia Hills), Bernadette Lyngdoh (East Khasi Hills), Adamkid Sangma (Tura City), Brivia Thabah (East Khasi Hills), Premananda Koch (South West Garo Hills), bad Er. Bipen Pradhan (Shillong City).
U Sarwan Jhunjhunwala ula shah thung kum u Treasurer ka Jylla. Ka kong Sukhi Pariat kala shah thung kum ka President ka Mahila Morcha.
