Nongstoiñ, Lber 15: Ka West Khasi Hills District Boxing Association ka kit bok ïa ki arngut ki thei ïa kura na West Khasi Hills,kiban leit mihkhmat ia ka Jylla ha ka National Boxing Championship bad ka 3rd North East Olympic Games.
Iwei I dei I heprit Isawanda Nongsiej na ka shnong Tiehsaw Nongstoiñ (35-37 kg) in leit mihkhmat sha ka 3rd sub juniors boy’s & girls National Boxing Championship ka ban long ha Noida, UP mynta u bnai.
Kawei pat ka dei ka samla Veronica Sohshang (45-46 kg), ka ban leit mihkhmat sha ka 3rd North East Olympic Game ka ban long mynta hi u bnai ha Nagaland.
Ka synuk ka kyrmen ba baroh ar ngut ki thei ïa kura na West Khasi Hills, kin ï lehkai bha ha kitei ki lympung ialehkai kiba heh jong ka ri bad jong ka shatei ka thaiñ lam mihngi hi baroh kawei.
Ka seng ka sngew dei ban ai khublei ïa ka Meghalaya Boxing Association, halor ka jinglah jong ka ban kyntiew ïa ki thei bad ki rang ïa kura ka jylla lyngba kiba bun ki jingïakop ïa kura, kata lada dei ha ka jylla lane ha ki rynsan ïa kop ïa kura ba heh duh jong ka Ri India.
