Shillong, Nailur 21 : Ka Dorbar Shnong Nongmensong ka ai ka jingkitbok kitrwiang ia ki arngut ki samla jong ka Shnong, ki ban kiew ha ki rynsan iakop ba pawnam jong ka Ri India, ba kin long ki nongjop.
Kine ki arngut ki samla ki dei u Steve Jyrwa uba don hapdeng ka jingiakhun ha ka India Best Dancer 4 bad ka samla Angelia Marwein, ka ban iakhun ia ka Femina Miss India 2024, ka ban long ha u bnai Risaw.
Ka Dorbar Shnong ka kyrpad ia baroh ki nongshongshnong ka Nongmensong ba kin ai lem ka jingkyrshan ia kine ki samla ka Shnong lyngba ki jing ai ia ka vote ba kordor jong ki.
