Shillong, Oct 4: Ka kynhun ialehkai Cricket jong ka Meghalaya kala mih hynne ka sngi Balang ban leit iashimbynta ha ka Women’s U-19 One Day Trophy jongka BCCI kaban sdang ha ka 8 tarik u Risaw ha Surat.
Ka Meghalaya Cricket Association hapoh ka jingialam u President u Naba Bhattacharjee, u Secretary Bah Gideon Kharkongor, u Treasurer u Dhrubajyoti Thakuria bad u Apex Council Member Bah Peter Macdonald Kharsawian kala ai jingkren bad ai mynsiem ia ki nongialehkai shwa ban kin mih ban leit iashimbynta ha katei ka jingiakob.
Ka MCA kala pynbna ruh ba ka Ankita Sharma kum ka Captain jong ka kynhun katba ka Dubleen Nengnong kum ka Vice Captain. Kine baroh arngutkila ialehkai bha ha ka U-19 Girls’ Inter District Cricket Tournament kaba la pynlong dang shen da ka MCA.
Ki don ki kynhun kiba tbit ha ka kynhun kaba don ka Meghalaya kiba kynthup ia ka Tamil Nadu bad Maharashtra hynrei u Naba Bhattacharjee ula pynshlur bad ai mynsiem ia kine ki samla kynthei ba kim dei ban sngewkhuslai tang naka kyrteng jong ka kynhun.
Katba u Bah Gideon Kharkongor ula banjur ba dei ban long kiba don akor bad ia ka jingdonkam ban don ia ka met kaba koit ba khiah.
“Phi dei ka lawei jong ka Meghalaya cricket namar ba baroh phi dei kiba dang don hapoh ka 19 snem ka rta. Phi dang bun bah ka lynti ban iaid lada phi lah ban pynneh ia ka rukom ialehkai ka jong phi bad ngin dap da ka jingkmen kaba khraw ia ngi ban iohi ba iwei ne arngut na phi, phin ioh ban mihkhmat iaka ri. Katei kadei ban dei ka thong ka jong phi haba leit iashimbynta ha katei ka jingiakob.
Ka kynhun jongka Meghalaya ka kynthup ia ka Dianchidora N Sangma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Kharsyiem, Janicka R Marak, Monica Singh, Emisakani Warjri, Rikmanchi M Sangma, Jayshree Singh, Awesa G Momin, Jaylynn R Marak bad Natasha Rabha
Ki Standby ki kynthup ia ka Julitha Marak, Sistilin Ryntathiang, Banrikmen Lyngdoh bad Marme M Sangma, katba ki Support Staff ki kynthup ia ka Ranjana Yadav (head coach), Marty Mustafa (assistant coach), Helyna D Sangma (trainer), Lucky Mary Marbaniang (physio), Baiahun Mylliemngap (manager)
Ka Meghalaya kan iakhun pyrshah iaka Vidarbha ha ka 8 tarik Risaw
Meghalaya vs Pondicherry, 10 tarik Risaw
Meghalaya vs Manipur, 12 tarik Risaw
Meghalaya vs Tamil Nadu, 14 tarik Risaw
Meghalaya vs Maharashtra, 16 tarik Risaw
