Shillong, Iaiong 29: Ka jingdon jong ki nongpang Civid-19 ha Jylla kala kiew sha ka 18 ngut bad haduh 11 ngut ki dei tang na West Garo Hills District.
Kine kiba pang ki kynthup ia 5 ngut na East Khasi Hills ha kaba lai ngut ki don hapdeng ka jingsumar ha Hospital bad 2 ngut ha West Jaintia Hills ha kaba iwei I don hapoh hospital.
Kat kum ka jingpyntip ka Tnad ka koit ka khiah, ki briew ba dang iabit thymmai ia ka jingpang ha kine ki arphew sawkynta bala leit noh ki don 3 ngut bad kiba la ioh koit pat ki don 2 ngut.
Ka jingdon jong ki briew kiba la iabit ia kane ka khniang jingpang naduh kaba sdang haduh mynta, kala kot haduh 96848 ngut ha ka Jylla baroh kawei bad kiba la ioh jingkoit ki long 95204 ngut. Kiba iap kila kot 1626 ngut.
