Nongpoh, Iaiong 29: Ki paid Nongshong Shnong ka shnong Umroi Nongrah hynne ka sngi saitjain ki la pynpaw ia ka jingpyrshah kaba jur halor ka jingkynnoh ba u Rangbah Shnong u thmu ban die ia kawei ka Pung shnong kaba khlem da tip da ki paidbah jong ka shnong.
Ki riew rangbah ka shnong ki la mih ban leit jurip ia katei ka pung bad ki la pynieng ruh da ka Signboard kaba pyntip ia ka jingpyrshah jur ban die ia katei ka pung bad mana ruh ia kino kino kiba thmu ban thied ia kane ka pung ba kim dei ban leh ia kane ka kam khlem da ioh jingbit na ki paidbah bad ka Dorbar Shnong.
Kane ka jingpyrshah kala mih hadien ka jingioh khubor ba ka don ka jingthmu die sop sop ia kane ka pung shnong khlem da tip ka Dorbar Shnong bad ki nongshongshnong.
U Bah P. Dkhar, Rangbah Shnong barim bad u Bah Jewel Lyngdoh Nonglait ki la ong ba ki paidbah ki pyrshah jur ban die ia katei ka pung bad kin nym ailad bam thied iano iano bad kiba kwah ban thied ki hap hi ban shim ia ka jingkikhkieh lada pyrshah jur ki paidbah.
Ki la kynnoh ruh ba ia kane ka kam la leh marwei tang da u Rangbah Shnong khlem ka jingtip ka EC Shnong.
