Shillong, Rymphang 04 : U Commissioner & Secretary ka Tnad District Council Affairs Bah Cyril Diengdoh ha ka sngi Ba-ar ula ong ba ki seng sain pyrthei bad ki kyrtong ba iakhun ia ka elekshon Autonomous District Council (ADC) ki dei ban burom ia ka rai jong ki Dorbar Shnong ban pynlong iaki “Common Platform”kum ki rynsan ialap elekshon.
Haba iakren bad ki lad pathai khubor, u Bah Cyril ula ong ba ka jingpynlong ia ki jingialang ka dei kaba hap iaid kat kum ki kyndon ka Model Code of Conducr (MCC) ia ki seng sain pyrthei bad ki kyrtong ha kane ka elekshon ADC bad ia kane la phah ruh sha baroh ki seng sain pyrthei ba pyntip ba ki donkam ban ioh ia ki jingbit na ki Deputy Commissioner lane Sub Divisional Officer ban pynlong ia ki jingialang paidbah, rally ne procession.
Ula ong ba ki don katto katne ki Dorbar Shnong kiba larai ban pynlong da ki Common Platform.
“Kine ki Shnong kila ioh jingbit ban pynlong ia ka Common Platdorm namar ha kane ka Common Platform, kila ai kajuh ka lad ia baroh ki seng sain pyrthei ne kyrtong shimet ba kin wanlang ha kajuh ka rynsan bad pyniaid ia ka jingialang paidbah. Ym don ba shah pynduk. Ym don ki seng sain pyrthei lane ki kyrtong ki ban shah kyntait ban pynlong ia ka jingialang ha ka Common Platform. Ia kane ngi lah dep pynshai ba hooid lada don ki rai jong kino kino ki shnong, ngi burom ia kane ka rai bad ki lah ban pyniaid shakhmat” ong u Bah Cyril.
“Ka jingujor ba ioh dang shen, ka long ba ki don katto katne ki shnong lehse katto katne ki seng sain pyrthei kim shym la ioh jingbit kumta ngi la pynmih ia ka jingbthah ia ki DC ba kin kren ia ki Rangbah Shnong ba khnang ban ioh ia ka elekshon ka bym shah liang, baroh ki seng sain pyrthei bad ki kyrtong ki dei ban ioh ia ka kabu ban iaid ialap hynrei ki hap pat ban shim ia ka jingbit” ula ong.
Ula ong ruh “Lada ki rai ban pynlong beit tang ia ki Common Platdorm bad kila rai ba kan dei ka rynsan ba ki kwah ban pynlong ia ka jingialang lada kumta te hooid ka dei. Lada ki rai ba kim kwah ban don ia kino kino ki jingialang lait na ka Common Platdorm bala ai jingbit namar ka nongrim ka long ba ki kwah ban ai kajuh ka kabu ia baroh ki seng sain pyrthei bad ki kyrtong ba kin iashimbynta ha ka common platdorm, kane ka dei ia kaban hap ban burom khnang ba baroh kin ioh ia ka lad ban ai jingkren sha u paidbah”.
 ki dei ban burom ia ka rai jong ki Dorbar Shnong ban pynlong iaki “Common Platform”kum ki rynsan ialap elekshon.){kind=link}