Shillong, Iaiong 2 : U National General Secretary ka NPP bad Symbud Myntri Rangbah ka Jylla Bah Sniawbhalang Dhar ha ka sngi Ba-ar, ula ong ba ka jingpyntreikam ia ka kam ‘Ot kilo’ ia ki marrep bad ka jingpynshlur ban shim jait Kpa ki dei ki katto katne ki kam ba jop da u President ka Voice of the People Party (VPP) Bah Ardent Miller Basaiawmoit.
Haba kren ha ka rynsan ialap elekshon ha Ladthadlaboh, Jowai, West Jaintia Hills District, u Bah Sniawbha ula ong “U Bah Ardent ula kam ba ula synniang bun bah sha ka imlang sahlang, hooid ka dei ka jingshisha namar kawei na ki synniang ba khraw eh jong u haduh mynta ka dei ka jingwanrah ia ka kam ‘Ot kilo’ ia ki marrep, kaba la ktah jur ia ki nongrep ka thain. Kawei pat ka jingjop ka dei ka jingpyrshang ban pyntroin ia ka dustur ai jait Kmie da kaba pynshlur ban shim noh da ka Jait Kpa”.
Nalor kane, u Bah Sniawbha ula thalain tyngeh ia ka VPP halor ka jinglynnoh ba ka Sorkar MDA ka dei kaba bamsap tam.
“Ka don da u pud ha ka sain hima sima ban kren” ula ong.
Ula pynpaw ruh ia ka jingsngewskhem ba ka kyrtong ka NPP Kong Ampareen Lyngdoh kan ioh ia ka jingjop ha ka elekshon Lok Sabha ban wan da ka jingkyrshan jong ki paidbah ka Shillong Parliamentary constituency.
 Bah Ardent Miller Basaiawmoit.){kind=link}