Shillong, Nailar 28 : U Nongkawang javelin Neeraj Chopra ula pynsngew sarong biang iala ka jong ka Ri hadien ka jingjop ia ka takma ksiar ba nyngkong eh ha ka World Athletics Championship, 2023 da ka jinglah ban kawang haduh 88.17 meter ha ka sien kawang kaba ar.
Kane ka jinglah jong u ym tang ba ka pynpoi ia u ha ka kyrdan kaba hakhlieh duh hapoh ka rynsan sam khusnai hynrei ka dei ruh ka jingpynhein ia ka championship record bala lah.
Ha u snem 2022, u Neeraj ula ioh khur ia ka takma rupa.
U Subedar Neeraj Chopra ula pynskhem ia ka kyrdan kum uwei na ki nongkawang javelin ba hakhmat eh hapoh ka pyrthei.
Ha kajuh ka por, u nongkawang javelin na Pakistan u Arshad Nadeem ula wan ba-ar da ka jinglah kawang haduh 87.82 meter katba u Jakub Vadlejch jong ka Chech Republics ula wan balai da ka jinglah kawang haduh 86.67 meter.
