Khur takma ki Karatekas ka Jylla ha ka U-21 Senior National Championship

0
29
Khur takma ki Karatekas ka Jylla ha ka U-21 Senior National Championship

Shillong, Iaiong 01: San ngut ki karatekas jong ka Jylla, kila ioh ban khur ia lai tylli ka takma rnong ha ka U-21 Senior National Championship 2025 kaba long ha Gachibowli Indoor Stadium.

Kane ka lympung ialehkai kala sdang naduh ka 27 tarik haduh ka 29 tarik Lber, 2025 bad haduh 15 ngut ki karatekas ka Jylla kila leit ban iashimbynta.

Kine ki karatekas ki dei ki dkhot ka All Meghalaya Karate-Association bad la ialam ia ki da u President Bah Donboklang Lyngdoh bad u bah Rodrick Syiem.

Ki karatekas kila ioh takma ki kynthup ia ka samla Kynjailin L Mawnai haka thup U-21 Women -50 Kg, Larisha Kurbah haka thup Senior Women -55 Kg bad ka kynhun shynrang (Men Team Kata) ba kynthup ia u samla Gideon Tympuin, Ferdinand Samkupar Rani bad u samla Gregorwilson Makdoh.