Shillong, Nailur 14: Ki nongialehkai karate ka Shillong College ki la jop ia ka lympung 12 Inter School Karate Tournament 2025 ba la pynlong da ka All Meghalaya Karate-Do Association ha kaba ki la jop ia baroh saw tylli ki thup ialehkai ba shisngi ha ka sngi Saitjain.
Iaka lympung la pynlong ha ka jingiatreilang bad ka Sports Development Cell jong ka Shillong College ka kaba la kyrshan da ka tnat Directorate of Sports and Youth Affairs ka Sorkar Meghalaya.
Ia kane ka lympung la pynlong ruh kum shi bynta ban wad iaki nongialehkai jong ka AMKA na ka bynta ka 39th National Games 2027 ka ban long ha Meghalaya.
Lah ban kdew ba ka Shillong College kadei kaba ju pynlong iaka jingialehkai bad ha kane ka jingialehkai ba khatduh la pynhap pyrda da u principal u Dr S Khongwir ha ka jingdon lang u General Secretary ka Meghalaya State Olympic Association u Bah Finely L Pariat.
Ki nongjop ha baroh saw tylli ki kynthup ki kynthup ka Shillong College Gideon Tympuin (men’s open kata), Cheltis Shylla (men’s open kumite) bad ka Rebeka Nongspung (women’s open kata bad women’s open kumite).
Ka St Anthony’s College ka la khur kawei ka takma rupa bad saw tylli ki takma rnong ha ka jingialehkai jong ki shynrang, katba ka St Mary’s College bad ka Lady Keane College ki la khur kawei ka takma rupa bad kawei ka takma rnong ha ka kata jong ki kynthei bad kumba ju long ha ka jingialehkai, ki arngut kiba la shah rem ha ka semifinal ki la ioh ia ka khusnam ha ka kyrdan kaba lai.
Ki nongjop ha kane ka lympung ki kynthup, Men Open Kata 1st – Gideon Tympuin – Shillong College, 2nd – Bhawanchwadame L Mawphlang-St. Anthony’s College, 3rd – Damebanmerbha S Blah – St. Anthony’s College, 3rd -Samebanmerbha S Blah – St. Anthony’s College
Men Open Kumite
1st – Cheltis Shylla – Shillong College
2nd – Gideon Tympuin – Shillong College
3rd – Jake Damian Syiemiong – St. Anthony’s College
3rd – Samebanmerbha S Blah – St. Anthony’s College
Women Open Kata
1st – Rebeka Nongspung – Shillong College
2nd – Melvarika Kharbani – St. Mary’s College
3rd – Sweety Ranee – Lady Keane College
3rd – Daphilahun M Wahlang – Shillong College
Women Open Kumite
1st – Rebeka Nongspung – Shillong College
2nd – Carene Sohiong – Shillong College
3rd – Larisha Kurbah – Shillong College
3rd – Kynjailin L Mawnai – Shillong College
