Shillong, Nailur 14 : U jumai ba khlain 5.8 ha u richter scale, ula pynkhynniuh ia kylleng ki jaka jong ka thain Shatei Lam Mihngi ka Ri India kynthup ha Shillong, ha ka janmiet Sngi U Blei.
Kat kum ka Indian Meteorological Survey la iathuh ba ka thymmei une u jumai ka dei ka Udalguri District ka Assam ha ka jingjylliew ba 5 km. Une u jumai ula khynniuh ha ka por 4:41 baje janmiet.
Ki bor Sorkar ka Assam kila pyntip ba bun ki paidbah kila mih nala iing bad jaka trei ha kane ka jingkhynniuh jumai khamtam ha sor Guwahati hynrei kat haduh ba ai khubor, kam pat shym la don kano kano ka jingioh jingtip ia ki jingpynjulor ne jingjia ba sngewsih.
Ki iathuh ba hadien une u jumai ba nyngkong, sa artylli ki jumai ula khynniuh biang uba khlain 3.1 bad 2.9 na kane kajuh ka thymmei ha ka por 4:58 bad 5:21 janmiet.
