Nongpoh, February 9: Ka samla Senibi Syngkli na Meghalaya kala ialam ia ka kynhun ialehkai arm wrestling ka India kum ka Captain bad kala jop artylli ki takma rnong ha ka World Armwrestling and Para Armwrestling Cup 2026 ha Tashkent, Uzbekistan.
Ka samla Senibi kala ioh ia kine ki takma ha ka kyrdan senior women 60 kg bad ioh ruh ia ka khusnam Female Player of the Year Award da ka Pro Panja League.
Haba wan phai, kane ka samla kala shah pdiang burom da ka seng ki Longkmie ka Ri-Bhoi District ha DTO Umlyngkhait ha ryngkat bad ka HNYF Northern Region Sports Cell.
Ka samla Senibi kala iathuh khana ia ka jingiaid lynti jong kaba kynthup ia ka jingeh ha ka pisa pilain bad ki jingtynjuh ha ki jingkilan met, kynthup ka jingleit sha Mizoram khlem ka jingkyrshan pisa na ka bynta ka jingiakop.
Kala ai khublei ia u Blei, ki nongkyrshan bad ki baieid bathoin namar ka jingiarap ia ka ba kan jop ia ki jingeh bad ban mihkhmat ia ka India ha ka rynsan ka pyrthei.
