Shillong, Naiwieng 09 : Ki Nongialehkai Kickboxing ka Meghalaya kila ioh khur haduh 13 tylli ki takma ha ka lympung ialehkai Indian Open International Kickboxing Tournament ba long ha Talkatora Indoor Stadium, New Delhi.
Kane ka lympung ialehkai kala sdang naduh ka 2 tarik u Naiwieng bad la pynhap pyrda ha ka 6 tarik u Naiwieng.
Na ki 11 tylli ki takma, haduh 7 tylli ki dei ki takma ksiar, 3 tylli ki rupa bad 3 tylli ki rnong.
Nalor kine, san ngut ki referee ka Jylla kila ioh ia ka Diploma ha ka International Referee bad kine ki kynthup ia u Jezerel Sangma, Belldona Pakyntein (Mawkyrwat), Ibadarishisha Mukhim (Lumparing Lumdorbar), Wandashisha Nongkhlaw (Sawmer Shiteng Upper Shillong) bad Shaiborlang Lyngdoh Mawphlang (Nongrah Nonglum).
Naduh u snem 2017, ka Meghalaya State Kickboxing Association kala ioh ban khur haduh 68 tylli ki takma ksiar, 44 tylli ki takma rupa bad 64 tylli ki takma rnong bad 33 tylli ki takma na ki lympung ialehkai ka pyrthei (International Medal).
