Guwahati, Nailar 08 :Ka kynhun seng lehnoh United Liberation Front of Asom-Independent (ULFA-I) bad ka Yung Aung ka ba dei ka tnat jong ka NSCN-K, ki la khot da ka pakhang shnong ba 18 kynta ha ki san tylli ki jylla jong ka thain shatei lammihngi (Northeast) ha ka sngi rakhe rakhe laitluid jong ka ri India(Independence Day).
Kine ki kynhun kieng tiar ki la kyntu ruh ia ki paidbah jong ka thain ba kin ym leit iashim bynta ha kino kino ki prokram ki ba iadei bad kane ka jingrakhe laitluid.
Kine ki seng ki la khot pynlong ia kane ka pakhang shnong naduh ka por 12 baje shiteng synia haduh ka 6 baje jan miet ha ka 15 tarik mynta u bnai.
Na ka liang ka ULFA-I bad ka NSCN-KYA ki la pynmih ryngkat lang ha kane ka jingpynbna ban ym iashim bynta ha kane ka jingrakhe laitluid ha ka 15 tarik mynta u bnai.
“Watla katta kam shym la don satia kano kano ka jingkhang pyrshah ha ka ba iadei bad ki jingtreikam jong ki tnat ba kongsan, ki lad pathai khubor bad ki jingleh niam ha ka ba kum kane ka por,” ong katei ka jingpynbna.
