Nongstoiñ, Nailur 26: Ka Sur ki Nongwest ka khot ïa u paidbah sha ka jingïalang ban pynlong ha ka 28 tarik mynta u bnai, kum shi bynta ban kyntu ïa ki paid ka thaiñ ba kin ïanoh synñiang lem ïa u samla Hubert Paliar, uban mihkhmat ia ka ri India sha ka lympung ialhun arm wrestling ka ban long ha Turkey.
U samla Hubert u dei na ka shnong Mawrok Mawliehbah West Khasi Hills District, bad u dei u Champion ka Ri India uba la shah jied ban leit mihkhmat sha ka International Arm Wrestling Championship ban long ha ka Ri Turkey ha u bnai Risaw mynta u snem.
U samla D.Sun u ba dei u nongaiktien ka Sur ki Nongwest ha ka kyrwoh ula ong ba ka sur ki nongwest ka khot ia kane ka jingialang namar ka jingioh jingtip ba utei u samla rangbah u la iakynduh ia shibun ki jingeh ha ka kam pisa pilain kaba lah ban pynduh ia u ban leit iashimbynta ha kane ka lympung.
Ka sur ki nongwest ka buh ïa ka thong ban pynurlong ïa ka jingangnud jong utei u samla, namar u la wanrah nam ïa ka thaiñ bad ïa ka jylla hi baroh kawei.
La pyntip ruh ba ia kum kane ka jingïalang yn pynlong ruh ha Rambrai bad ha Riangdo kata ka long ha ka 29 bad 30 mynta u bnai.
