Shillong Rymphang, 24: Ka Election Commission of India (ECI) kala pynkhreh ban pynlong ia ka Conference kaba ar sngi jong ki Chief Electoral Officer na ki jylla bad ki Union Territory jong ka ri ha ka 4-5 tarik u Lber ha India International Institute of Democracy & Election Management, New Delhi.
Kane kan dei ka Conference kaba nyngkong kaban pynlong hadien ba u Gyanesh Kumar ula shimti kum u Chief Election Commissioner. La bthah ia ki CEO ban jied ia ki DEO bad ERO ban iashimbynta ha ka conference, ha kaba ki CEO, DEO bad ki ERO ki don ki bynta kiba kongsan bha ha ki Jylla, District bad ki Assembly Constituency.
Kane ka jingialang kaba ar sngi kan long kum ka rynsan na ka bynta ki ophisar ka tnad Election ban iatai sani bad ban ia sam mar kylliang ia ki jingtip.
Ha ka sngi Nyngkong jong ka Conference yn iatai halor ki mat kiba kongsan ha kaba iadei bad ka jingpyniaid ia ki elekshon katkum kane ka juk kaba mynta kaba kynthup ia ka Information Technology, ka jingpynsaphriang kloi ia ki khubor, ka jingpyndonkam ia ki rynsan Social Media bad kiwei kiwei ki bynta jong ka jingtreikam ha ka kam pyniaid ia ki elekshon.
Ha ka sngi baar, ki CEO na kylleng ki jylla kin pyni ia ka rukom pynkhreh iaka rukom treikam ka jongki hadien ba kila dep ban iashimbynta ha ka sngi kaba nyngkong.
 kala pynkhreh ban pynlong ia ka Conference kaba ar sngi jong ki Chief Electoral Officer na ki jylla bad ki Union Territory jong ka ri ha ka 4-5 tarik u Lber ha India International Institute of Democracy & Election Management, New Delhi.){kind=link}