Shillong, Rymphang 28 : U Lat ka Jylla CH Vijayashankar ha ka sngi Thohdieng, ula ong ba ka Sorkar Jylla ka la trei khlem shongthait ban wanrah jingpynkylla ia ka rukom tih marpoh khyndew ka juk rim sha ka jingtih kat kum ka jingstad saian (scientific mining) ha Jylla.
Haba ai jingkren hapoh ka Iingdorbar, u Vijayashankar ula ong ba naduh ba khang ia ka jingtih dewiong thliew khnai hapoh Jylla da ka NGT bad bala pynskhem da ka Iingkashari Supreme Court, ka kamai kajih jong ki lak ngut ki briew ba shaniah ha ka kam tih dewiong kila shah ktah jur bha.
“Lai ngut ki nongtih par kila ioh mynta ia ka jingmynjur na ka Ministry of Coal ban sdang noh ia ka jing tih marpoh khyndew da ka jingstad saian” ula ong.
“Nalor kine sa 20 ngut ki aplikeshan la dep ban phah sha ka Ministry bad kila don ha ka jingbishar ban ai jingmynjur” ula bynrap.
