Shillong, Nailur 01 : Watla ka long kaba donkam ban aiti ia ki Utilization Certificate (UC) halor ki Grant bapher bapher bala buh da ka por, ka Meghalaya ka khlem pat lah aiti haduh 454 tylli ki UC ba kot haduh T. 3436.01 klur kat haduh ka 31 tarik Lber, 2023.
Ia kane la sei madan da ka kaiphod Comptroller and Auditor General of India ha ka State Finances Audit report jong u snem ba kut ha ka 31 tarik Lber, 2023 bala wanrah ha ka Dorbar Synrai ba dang shu kut.
Ka kaiphod ka ong ba hapdeng u 2022-23, haduh 726 tylli ki UC ba shongdor T. 4,459.58 klur (307 ba T. 2373.51 klur ba sah naduh ki snem bala leit bad 419 tylli ki UC ba T.2086.07 klur kaba kut ha u 2022-23) ki dang sahteng ban aiti.
Napdeng kine, tang 37.46% (272 UC kiba kot T. 1023.57 klur) la dep ban aiti.
Nalor kane, 14 tylli ki UC ba kot T.1.28 klur na ka bynta ki grant bala ai ha u 2022-23, kiban sa kut ha u 2023-24 ruh lah dep ban aiti ha u 2022-23.
