Shillong, Jylliew 03: Ka seng Ri-Bhoi Youth Federation (RBYF) kala duhnoh iala u jong u Nongialam Bah Lankupar Sawkmie uba bat ia ka kam Vice President ka Seng, uba la khlad noh hynne ka step phyrngap naka jingjia aksiden kaba jia ha ka thain Demseiniong, Shillong.
Kat kum ka khubor ki Pulit la iathuh ba katei ka jingjia aksiden kala jia ha ka por 1:40 mynstep hajan kawei ka petrol pump ha Demseiniong.
Ki Pulit ki iathuh ba u Bah Lankupar ula iakynduh ia kane ka jingjia ba sngewsih namar ka jingbtuid (skid) ka scooty YAMAHA EROX kaba u niah, kaba don u nombor ML05-Z-7222.
Ki iathuh ba ha kane ka jingjia, ka scooty kala leit ban tynrah ia ka footpath bad wanrah ia ka jingmynsaw kaba jur ia une u nongialam Sengbhalang.
Ki iathuh ba ia u Bah Lankupar la pynkit mar mar sha Bethany Hospital da uwei u paralok uba lap ia kane ka jingjia, khnang ba une u rangbah un ioh ia ka jingsumar.
Namar ka jingjur palat ka jingmynsaw, u Bah Lankupar ula khlad noh hynne hi ka step ha ka por kumba 11:45 baje eiei ha Hospital.
Ia ka met ba sah jong u Bah Lankupar la aiti noh sha ki Bahaiing hadien ba kila ioh ia ka jingthoh na ka Magistrate ban pyllait ia ka post mortem.
 kala duhnoh iala u jong u Nongialam Bah Lankupar Sawkmie uba bat ia ka kam Vice President ka Seng, uba la khlad noh hynne ka step phyrngap naka jingjia aksiden kaba jia ha ka thain Demseiniong, Shillong.){kind=link}