Shillong, Naitung 29 : U Myntri Kampohhing barim ka jylla Bah Robert G Lyngdoh ba dei ruh u hynmen jong ka MLA jong ka Shillong East Kong Ampareen Lyngdoh u la khlad noh ha kane ka sngi Thohdieng, ka 29tarik u Naitung.
Ka jingkhlad noh jong u ka la pynkyndit ka kiba bun balang khamtam namar u dei uwei na ki nomihkhmat u bym ju salia ban kren ia ka jingshisha. Dei ha ka por jong u kum u Myntri Kampohiing ba u ju ai mynsiem bad pynshlur ia ki paidbah ba kim dei satia ban tieng lane ban ailad ia ki kam pyntriem ba kin pynthut ia ka shongsuk shongsain.
Na ka liang u Myntri Rangbah haba phah ka jingsngewlem halor ka jingkhlad noh jong u u la ong, “U Bah RG Lyngdoh u briew u bym ju riej…..”
Na ka liang u Myntri ka Koit ka khiah u James K Sangma bad ruh kumjuh na u Myntri barim ka Koit ka Khiah Bah AL Hek ba dei ruh u MLA ka Pynthorumkhrah, ki la phah ka jingsngewlem halor ka jingkhlad noh jong u.
