Nongpoh, Naiwieng 28: Iwei i Khunlung 8 snem ila khlad hashen ha ka jingshah tynrah ha kawei ka trok hynnin ka sngi Palei ha surok Shillong By-pass kaba hap ha ka shnong Pyllun hajan ka Umroi Military.
Kane ka trok ka dei kaba don u nombor UP-82-BT-5107 bad la niah ia ka da u Girish Chandra.
Katei ka jingjia, ka la jia ha ka por 9 baje eiei mynstep, ha ka por ba itei u heprit i dang thmu ban leit skul, hynrei ha ka por ba i dang iaid ha surok.
U nongniah ka trok u la pyrshang ban phet bak da ka kali, hynrei kiba iohi ia kane ka jingjia kila beh ia katei ka kali bad ki la ioh ban bat noh ha ka shnong Umeit.
Haba iadei bad katei ka jingjia, ki Pulit ki la kem noh ia u nongniah bad ia ka kali ki la rah noh sha thanad.
