Shillong, Naiwieng 25 : Ka Nongbah Shillong hynne ka sngi thohdieng kala kynjah namar ka jingkhang dam jong ki dukan ha ki Iew ki hat bad ka jingkynjah ki Ophis Sorkar namar ka Non Cooperation Movement (NCM) jong ki Sengbhalang kiba pyrshah ia ka jingshah siat iap ki 5 ngut ki riew paidbah ha ki Pulit Assam ha Mukroh, West Jaintia Hills.
Ki Nongialam bad ki Dkhot jong ki Sengbhalang ba kynthup ia ka KSU, FKJGP, HYNF, RBYF bad JSU kila ieng ha man ki lad jong ka Nongbah Shillong naduh ka por mynstep bad kyntu ia ki Nongtrei Sorkar ba kin iatreilang da kaba pep ban leit sha ki jaka trei.
Kine ki Sengbhalang kila pyllait tang ia ki skul bad ki College ba kin treikam namar ka jingdon ia ki eksamin.
Ki Ophis Sorkar kila kynjah jar jar na ka jingpoi duna jong ki Nongtrei Sorkar bad la sakhi ba bun ki Bank bad ki dukan ha shilynter ka surok GS Road kila khang kyrdep lut baroh shisngi namar kane ka jingiakhih ki Sengnhalang.
Wat ki dukan madan ha shi lynter ka Khyndai Lad kila khang khyrdep lut namar kane ka jingiakhih ki Sengbhalang.
