-->

Khang u DC ka Ri-Bhoi ban ia rung paidbah sharud ka wah hakhrum ka Umtru Hydel Project

Date:

Share post:

Ri-Bhoi, Naiwieng 28 : Namar ka jingjia shah rong um bad ngam jyllop ba man ka por, u Deputy Commissioner ka Ri-Bhoi Abhilash Baranwal, ula pynmih ia ka hukum ba khang ban ia rung ki riew paidbah sha ki jaka harud ka wah Umtrew, kaba don hajan ka jaka pyllait um jong ka Umtru Hydro Electric Project (HEP) ha Byrnihat.

Ia kane ka hukum la pynmih hadien ka jingioh khubor ba kane ka jaka kala kylla long ka jaka ialum paidbah, iabam khana bad ialeh sngewbha khamtam ha ki sngi kut taiew bad shi shuti, kaba buh ha ka jingma iaka jingim ki briew kynthup ia ka jingngam jyllop ba ju jia na ka por sha ka por.

La pynmih ia kane ka hukum hapoh ka kyndon 163 jong ka Bharatiya Nagarik Suraksha Sanhita, 2023, ban tehlakam ia ki jingjia ba sngewsih bad jingshngain u paidbah. Ki jaka bala khang ki kynthup ia ki jaka ba marjan ka HEP bad ki wah ba sharum ba ju pyllait um.

U Baranwal ula ban jur ia ka jingdonkam ban pyntreikam ia ki lad jingiada khnang ban kiar na ki jingjia ba sngewsih bad maham ruh ba kino kino kiba pynkhein ia ka hukum, kin mad ia ki jingpynsajia kat kumka kyndon 223 jong ka Bharatiya Nyaya Sanhita, 2023.

Ia kane ka hukum yn pyntreikam da ki Pulit ka Ri-Bhoi ha ryngkat ka jingiatreilang bad ki Ophisar na ka Ophis u Additional Chief Engineer (C), HP, MePGCL, Umiam, u Chief Engineer (HP&HC), MePGCL, Shillong, bad u Block Development Officer ka Umling C & RD Block.

Share post:

-->
spot_img

Popular

More like this
Related

Pule MBBS | Sam ka Sorkar ia ki 93 tylli ki Central Pool seat u snem 2025-26

Shillong, Risaw 07: Ka Sorkar Jylla kala pynbna ia...

Jur ka jingtalasi kali ki Pulit ha Ri-Bhoi ba nang shyrkhei ki jingjia aksiden kali

Nongpoh, Risaw 07: Ki Pulit ka Ri-Bhoi District, kila...

MWSL 2025| Bteng ka Laitkor ban khur nam jop | pynliem haduh 6 kol ia ka Attacker Youth Club

Shillong, Risaw 07: Ka kynhun ki thei ialehkai ka...

SPL | Lip rong ka rukom ialehkai ka Nangkiew | 5 kol pynliem ka Langsning

Shillong, Risaw 07: Ka rukom ialehkai jong ka Nangkiew...