Shillong, Jymmang 02 : Ka Federation of Khasi Jaintia & Garo People (FKJGP) South East Khasi Border Circle, hynne ka sngi Thohdieng, kala khang tala ia bun tylli ki dukan bar jylla kiba don ha ki iew ka Hatmawdon bad Ryngku namar ka jingbym don ia ka Trading Licence.
Kane ka seng hapoh ka jingialam u President Kyrmen Shangdiar, kala pynlong ia ka jingkhynra Trading Licence halor ka jingioh jingtip ba bun ki dukan bar jylla kila khaii khlem ka Licence.
Ha ka jingkhynra, ka Seng kala lap ia bun ki dukan ki bym don ia ka Licence bad don ruh kiba dang aplai ban pynthymmai haba kynnoh ba la aibor da ki Hima.
U President ka seng ula kyntu ruh ia ki Syiem, ki Sordar bad ka District Counci ba kan pyrrkhing bha ha kaban ai ia ka Trading Licence bad ban nym ai licence shuh ruh lada dei ia ka kam kaba lah ban trei da ki trai shnong.
Ka Seng kala maham ba lada ki bor khmih kim lah ban tehlakam noh ia ka jingkhaii beain ki bar jylla ha ka thain, ka seng kan shim ia kiwei pat ki sienjam ban leh.
