Shillong Naiwieng 23: Ki nongialam jong ka Khasi Students Union (KSU) hynne ka sngi Palei kila leit ban khang ia ki ophis treikam bad ka jaka pule kiba la plie khlem ka jingburom ia ka jingrakhe ia ka Seng Kut Snem.
Ki nongialam ka KSU Shillong Mihngi Circle kila leit khang ia ka NIFT bad ka NEIAH kiba don ha Mawdiangdiang.
Katba ki nongialam ka KSU Mawlai Circle kila leit bad phah khang noh ia ki ophis treikam bad ki Bank kiba plie khlem da burom lem ia ka sngi shuti jong ka jylla.
Katba ka KSU Mairang Circle pat kala leit ban phah khang noh ia ka Post Office kaba don ha Mairang.
Kane ka jingleit khang ka KSU ia ki jaka pule, Bank bad ki ophis treikam kadei namar ba ka 23 tarik u Naiwieng kadei ka sngi ba ka jaidbynriew ka rakhe shisien shi snem ia ka Seng Kut Snem.
