Shillong, Naitung 16: Ka Jaintia National Council (JNC) Western Zone, ka la khang tala ia ka ophis jong ka Airtel kaba don ha Ladthalaboh haba kynnoh ba katei ka kompeni telecom kam shym la lah ban pyndep ia ka jingkular ba kan pynbha ia ka pynbiang network ha Rilum Jaintia.
Ha ka jingïalam jong u President ka Zone Bah Hamehi Bamon, ki dkhot ka JNC ki la ïathuh ba ïa kane ka sienjam la shim hadien ba la bun bnai ka kompani Airtel ka khlem leh eiei wat hadien ka jingïakynduh ha ka 28 tarik Kyllalyngkot bad ki heh ophisar ka kompani.
Ha ka jingialang, ka JNC kala pynsngew ia ki jingeh namar ka jingduna ka network ha ka thain khamtam ha Woodland Hospital kaba don haka shnong Sabah Muswang.
Ki nongmihkhmat jong ka kompani Airtel ki la pynthikna ia ka JNC ba yn buh ia u tower ha Sabah Muswang hapoh 3-4 bnai, ynda la dep ioh jaka.
Ka JNC ka la ong ba ka por ba la buh ka la tm hynrei ym pat don kano kano ka kam ba la sdang da ka kompani Airtel.
Haba kynnoh baka kompani kam don ka jingkitkhlieh, ka JNC ka la ong ba ka jingkhang tala ia ka ophis ka dei tang ka lad ban pynbor ia ka Airtel ban ai ia ka jingkular kaba shai bad ban sdang noh mardor ia ka kam.
Ka la maham ba kan pynjur ia ka jingiakhih lada ka kompani kam shim kano kano ka jingkitkhlieh ban leh noh iaka ba donkam ban pynbiang Network hapoh ka thain.
 Western Zone, ka la khang tala ia ka ophis jong ka Airtel kaba don ha Ladthalaboh haba kynnoh ba katei ka kompeni telecom kam shym la lah ban pyndep ia ka jingkular ba kan pynbha ia ka pynbiang network ha Rilum Jaintia.){kind=link}