Shillong, Iaiong 08: Ki shipai iada khappud Border Security Force (BSF) haka 7 tarik mynta u bnai kila ioh kem 3 ngut ki Nong Bangladesh kiba thmu ban jam shapoh u pud u sam ka Jylla Meghalaya.
Hadien bala ioh jingtip ba thikna, ki shipai BSF jong ka 172 Bn kila pynlong ka jingap ktem haki thain East Jaintia Hills bad kila ioh bat ia 3 ngut ki nong Bangladesh.
Haka jingtohkit, ki 3 ngut kiba shah kem ki phla ba kidei ki nong shong shnong naka thain Sylhet District Bangaldesh.
Ia baroh 3 ngut kiba shah kem la aiti noh sha ki Pulit ka Umkiang Post Outpost East Jaintia Hills bad leh katkum ki kyndon ain.
Ka kyrwoh naka tnat BSF ka kdew ba ki shipai iada khappud BSF ki ieng haka nongrim kaba skhem ban iada iala u pud u sam bad kin nym ailad satia iaki kam beain haki thain khappud khamtam haba iadei bad ka jingwanrung tuh ki briew napoh ka Ri Bangladesh.
 haka 7 tarik mynta u bnai kila ioh kem 3 ngut ki Nong Bangladesh kiba thmu ban jam shapoh u pud u sam ka Jylla Meghalaya.){kind=link}